នឹកអើយនឹក

• 
  
•  
• (បទពាក្យ៩)
•  
•           នឹកអើយនឹកព្រឹកល្ងាចយប់ទប់ពុំបាន              ចង់នែបប្រាណបានសាសងចងសំដី
•  
•           ចង់ជួបភក្ត្រជាក់ជួបជិតកិតកៀកស្រី               រាល់រាត្រីរៀមស្រមៃស្រីមាសបង។
•  
•           នឹកអើយនឹកនឹកមិនដាច់បណ្តូលចិត្ត              រៀមគេងគិតកើយគងដៃព្រោះនួនល្អង
•  
•           ចិត្តមមើស្ទើរធ្លាយទ្រូងតែស្នេហ៍ស្នង              គ្រានេះម្តងបងសូមចែងថ្លែងវាចា។
• 
  
•           នឹកអើយនឹកបងរឭករឭកថ្លៃ                         កែវចរណៃថ្លៃថ្លើមចិត្តពិតស្នេហា
•  
•           តើដឹងទេមេមាសបងប៉ងប្រាថ្នា                     កែវជីវ៉ាផ្កាបាំងស្លឹកនឹកត្រកង។
• 
  
•           នឹកអើយនឹកព្រឹកថ្ងៃរះថ្ងៃរះហើយ                    សូមស្រីឆ្លើយតបសំដីស្តីរកបង
•  
•           រាល់វេលាគ្រាទៅមុខទុក្ខកន្លង                      ព្រោះទងវងបងខានស្តាប់សព្ទក្រអួន។
• 
  
•           នឹកអើយនឹកមិនចង់ឃ្លាតឃ្លាតស្នេហា           រៀមឯកាក្រោមមេឃាងងឹតសូន្យ
•  
•           ខ្វះរស្មីដូចក្នុងចិត្តខ្វះរូបស្ងួន                         ដូចជាក្បួនខ្វះគង្គារីងហួតហែង។     
• 
  
•           នឹកអើយនឹកនឹកបងទេពៅពុំងារ                    រាល់វេលារៀមរងាររឹតចំបែង
•  
•           ចិត្តវិលវល់ខ្វល់ល្អក់ខាប់ងប់ក្នុងផ្សែង             រៀមចំបែងរែងរឭកនឹកតែអូន។
• 
  
• និពន្ធនៅភ្នំពេញ ថ្ងៃអាទិត្យ ទី ២៧ ខែ មិថុនា ឆ្នាំ ២០១០