សំណេរ​បែប​ពិភាក្សា

សំណេរតែងសេចក្ដីបែបពិភាក្សា សំដៅដល់ការវែកញែករកហេតុ​ផលឲ្យឃើញ​នូវចំណុច​វិជ្ជមាន​ និងអវិជ្ជមាន​របស់​មតិប្រធាន​ឲ្យ​ឃើញ​ ដោយ​ពិភាក្សា សំយោគ ឬពិភាក្សា-សំយោគ។ ដើម្បី​ឲ្យកាន់តែ​លម្អិត​នោះ សូមពិនិត្យមើលគម្រោង​ដូចខាងក្រោម៖

គម្រោងប្រធានពិភាក្សា

I.សេចក្ដីផ្ដើម

-លំនាំបញ្ហា៖ ត្រូវផ្ដើមគំនិតនិយាយពីអ្វីដែលជាប់ទាក់ទងទៅនឹងប្រធាន ។

-ចំណូលបញ្ហា៖ ត្រូវលើកយកបញ្ហារបស់ប្រធានមកបង្ហាញ ។

-ចំណោទបញ្ហា៖ ត្រូវលើកបញ្ហារបស់ប្រធានមកចោទសួរតាមបែបពិភាក្សា៖

         +បើប្រធានមានមតិតែមួយត្រូវចោទសួរថា " មតិនេះត្រូវឬទេ ? មតិនេះត្រូវឬខុស ? ” ។

         +បើប្រធានមានមតិពីរត្រូវចោទសួរថា " មតិទាំងពីរនេះមួយណាត្រូវមួយណាខុស ? ” ។

II.តួសេចក្ដី

- ឃ្លាភ្ជាប់សេចក្ដី៖ ដើម្បីជាមូលដ្ឋាននៃការបកស្រាយយើងគប្បីយល់នូវពាក្យ "…...”

-ពន្យល់ពាក្យគន្លឹះ៖ លើកយកពាក្យគន្លឹះរឺពាក្យអាថ៌កំបាំងរបស់ប្រធានមកពន្យល់ ។

-ពន្យល់ន័យប្រធាន៖ ត្រូវយកសេចក្ដីពន្យល់របស់ពាក្យគន្លឹះទៅជួសបំពេញជំវិញបញ្ហារបស់​

ប្រធានទាំងមូល........ ។

-បំណកស្រាយ៖

         +មតិស្រប៖ ត្រូវ​និយាយ​ឲ្យស្របនឹងមតិប្រធាន

         +មតិផ្ទុយ៖ ត្រូវនិយាយអោយផ្ទុយ រឺអោយល្អៀងពីមតិស្រប 

                          -ពិភាក្សាមតិ សំយោគមតិ រឺ ពិភាក្សាសំយោគមតិ៖

ករណីពិភាក្សាមតិ	ករណីសំយោគមតិ	ករណីពិភាក្សា សំយោគមតិ
បើមានមតិណាមួយត្រឹមត្រូវ ឬសមហេតុសមផលជាងគេ ។	បើមតិទាំងពីរត្រឹមត្រូវដូចគ្នាដោយមិនអាចខ្វះមតិមួយណាបានឡើយ ។	បើមតិទាំងពីរត្រឹមត្រូវដូចគ្នា ហើយអាចយកមតិថ្មីមកបន្ថែមដើម្បីបំពេញន័យ ។

III.សេចក្ដីបញ្ចប់

-រង្វាយតម្លៃមតិប្រធាន៖ សន្និដ្ឋានទៅទស្សនៈប្រធាន

-មតិផ្ទាល់ខ្លួន៖ បង្ហាញគំនិតផ្ទាល់ខ្លួន ជាសំណើផ្សេងៗ។

សូមមើលវីដេបន្ថែម