គ្រប់ច្រកចូលក្រុងលង្កាទាំងអស់ត្រូវបានចាក់សោ
និងយាមកាមយ៉ាងតឹងតែង ប៉ុន្តែព្រះរាមៈ លក្ស្មណៈ និងទ័ពស្វា អាចទម្លុះចូលទៅបានយ៉ាងងាយ។
ចម្បាំងដ៏សាហាវរវាងសត្រូវធំទាំងពីរនេះបានប្រព្រឹត្តទៅជាច្រើនថ្ងៃ។
រាវណៈ បានយកដំណឹងនេះទៅប្រាប់ កុម្ពកាណ៌ (កុម្ពកាណ៌ ដេករយៈពេលតែ៦ខែ
និងដេកមិនអស់ជាច្រើនឆ្នាំ)។
ទោះបីជាគេខ្លាំងអាចបង្ក្រាបហនុមានឲ្យរាបដល់ដី
និង សុគ្រីវៈ បានក៏ដោយ ក៏ទីបំផុតនៅតែចាញ់ក្រោមអនុភាពនៃផ្លែព្រួញព្រះរាមៈដែរ។
រាវណៈបានបញ្ជូនឥន្ទ្រជិតជាមួយអាវុធរបស់ព្រះព្រហ្ម
អាវុធនេះមិនត្រឹមតែសម្លាប់សត្រូវនិងបញ្ឈប់អ្វីៗបាននោះទេ ថែមទាំងអាចបំបាំងកាយពីសត្រូវបានទៀតផង។
ដោយហោះហើរពុំមាននរណាមើលឃើញ ឥន្ទ្រជិតបានរារាំងលក្ស្មណៈដោយប្រើអាវុធរបស់ព្រះព្រហ្ម។
លក្ស្មណៈមើលមិនឃើញអ្នកដែលរារាំងគេឡើយ ហើយមិនអាចប្រយុទ្ធតបតវិញបាននោះទេ
រួចក៏បានដួលសន្លប់ដល់ដីតែម្ដង។
ឥន្ទ្រជិតបានវិលត្រលប់មកជួបបិតាវិញ
រួចនិយាយថា «ជ័យជម្នះបានក្លាយទៅជារបស់យើងហើយ! លក្ស្មណៈស្លាប់ហើយ។»
រាវណៈ រីករាយណាស់ ពួករាក្សសាទរ
«ជ័យជម្នះបានមកយើងហើយ។»
ព្រះរាមៈសោយសោកយ៉ាងខ្លាំង
ពេលឃើញព្រះអនុជរងរបួសបែបនេះ។ កងទ័ពទាំងមូលនៅស្រឡាំងកាំង និងភាន់ភាំង។
សុសេនៈ អ្នកដែលដឹងថ្នាំទិព បាននិយាយទៅហនុមានថា
«ចូរទៅភ្នំគន្ធ្មទ៌ន (Gandhmardan)
ទៅរកថ្នាំទិពដែលដុះនៅទីនោះ។ បើយកវាមកត្រដុសលើមុខរបួសរបស់លក្ស្មណៈមុនថ្ងៃរះនោះ
គេនឹងអាចរស់បាន។»
នៅពេលហនុមានហោះរំលងនិងដល់ភ្នំ
គេក៏ច្រលំ ព្រោះរុក្ខជាតិជាច្រើនមុខដុះពេញភ្នំ ដែលពិបាកចំណាំថាមួយណាជាថ្នាំទិព្វ។
គេក៏នឹកឃើញរឿងមួយ គឺប្រមូលថាមពលទាំងអស់ គាស់ភ្នំ ហោះនាំយកទៅដោយទ្រតែបាតដៃតែម្ខាង។
នៅតាមផ្លូវ គេបានឃើញព្រះអាទិត្យជិតរះ ហនុមានក៏ដៃម្ខាងទៀតទៅចាប់ព្រះអាទិត្យមកដាក់នៅក្នុងដៃទៀត។
នៅពេលដែលទ័ពស្វាឃើញគេត្រឡប់មកវិញ ពួកគេក៏នាំគ្នាចៀសចេញដើម្បីទុកកន្លែងសម្រាប់ដាក់ភ្នំ។
សុសេនៈ ក៏ប្រញាប់បោចផ្កានិងស្លឹកនៃថ្នាំទិព្វ និងត្រដុសលើមុខរបួសលក្ស្មណៈ។
បន្តិចក្រោយមក លក្ស្មណៈ ក៏ក្រោកឈរឡើង។
ព្រះរាមៈរីករាយដែលបានឃើញព្រះអនុជប្រសើរឡើងវិញ។ ទ្រង់ឱបលក្ស្មណៈយ៉ាងជាប់។
ហនុមានគាស់ភ្នំគន្ធ្មទ៌ន
(Gandhmardan) ទាំងមូល
ព្រោះវង្វេងមិនស្គាល់ថ្នាំ
|
ព្រះរាមៈក៏សួរហនុមានថា
«តើអ្វីកំពុងបញ្ចេញពន្លឺក្នុងបាតដៃរបស់ឯង?»
«ព្រះពរម្ចាស់ នោះគឺព្រះអាទិត្យ
ខ្ញុំចាប់វាមកជាមួយដែរ ព្រោះខ្លាចវារះឡើង។»
«បានហើយ! ឆាប់លែងវិញទៅ!»
ព្រះរាមៈមានបន្ទូលទាំងញញឹម។
«មិនអីទេ!» ហនុមានឆ្លើយតប
និងដោះលែងព្រះអាទិត្យ។
សម្រែក «ជ័យជម្នះបានលើរាមៈ»
ត្រូវបានលាន់ឮខ្ទររំពង។ រាវណៈ ក៏បានឮផងដែរ។ តើមានន័យដូចម្ដេចទៅ? រាវណៈបានដឹងថា
ឥន្ទ្របានសម្លាប់លក្ស្មណៈហើយ។ គ្មាននរណាអាចរស់បានវិញឡើយ
ក្រោយត្រូវអាវុធរបស់ព្រះព្រហ្ម។
ដំណឹងនេះ បានធ្វើរាវណៈបញ្ជូនអ្នកស៊ើបការទៅជំរំរបស់ព្រះរាមៈ។
ពួកគេបានកាឡាខ្លួនជាទ័ពស្វា ហើយរត់យ៉ាងលឿនចូលក្នុងជំរំ។
ពេលពួកគេចូលដល់ជំរំរបស់ព្រះរាមៈ វិភិសាណៈ ក៏ស្គាល់ពួកគេ។ ជនបង្កប់ទាំងនោះក៏ភ័យ។
ពេលពួកគេត្រលប់ទៅជួបរាវណៈវិញ
ពួកគេបានរាយរាប់ថា លក្ស្មណៈនៅរស់ទេ ហើយមានសុខភាពល្អទៀតផង
ចំណែកកងទ័ពរបស់ព្រះរាមៈវិញត្រៀមប្រយុទ្ធរួចហើយ។
រាវណៈក៏បានសម្រេចចិត្តដឹកនាំទ័ពដោយផ្ទាល់
ដោយមានឥន្ទ្រជិតទៅជាមួយផង។ សង្គ្រាមដ៏សាហាវបានផ្ទុះឡើងអស់រយៈពេលជាច្រើនម៉ោង
ធូលីលុយទ្រលោមពីសមរភូមិ គ្រាដែលរទេះចម្បាំង និងទ័ពសេះប្រយុទ្ធគ្នា ។ ក្រោយពីមានជីវិតឡើងវិញ
ព្រះលក្ស្មណៈ សច្ចាថា នឹងសម្លាប់ឥន្ទ្រជិត ឲ្យបាន ដោយគេបានធ្វើដំណើរទៅដំណាក់ដែលឥន្ទ្រជិតកំពុងតែអធិដ្ឋានបួងសួងសុំជីវិតអមតៈ។
ប៉ុន្តែលក្ស្មណៈបានបំផ្លាញមហិទិ្ធឫទ្ធិអាថ៌កំបាំងរបស់ឥន្ទ្រជិត
និងសម្លាប់គេមុននឹងបញ្ចប់ការអធិដ្ឋាន និងទទួលពរ។
ពេលរាវណៈឃើញបុត្ររបស់ខ្លួនស្លាប់
គេក៏បែរទៅមើលព្រះរាមៈ កែវភ្នែករបស់គេក៏ប្រែជាក្រហមពោរពេញដោយកំហឹង។ សង្គ្រាមដ៏សាហាវបានផ្ទុះឡើងរវាងក្រុមទាំងពីរ។
ព្រះរាមៈអាចរារាំងរាល់អាវុធដ៏មានអនុភាពរបស់រាវណៈ។ សង្គ្រាមនៅតែបន្តជាច្រើនថ្ងៃទៀត
សូម្បីតែអាទិទេពនៅស្ថានសួគ៌ក៏ទន្ទឹងរង់ចាំមើលទាំងរសាប់រសល់ដែរ។
ឫទ្ធានុភាពរបស់រាវណៈក៏ចុះថយបន្តិចម្ដងៗ ព្រះរាមៈបានប្រើធ្នូបង្ក្រាបរាវណៈបានដោយជោគជ័យ។
សំណួរ
១.តើ
កុម្ពកាណ៌ ជានរណា? តើគេស្លាប់ដោយរបៀបណា?
២.តើ
ឥន្ទ្រជិត ជានរណា? តើគេមានអាវុធអ្វី? អនុភាពនៃអាវុធនេះបានមកពីណា?
៣.តើហនុមានទៅរកថ្នាំទិពនៅឯណា?
តើ សុសេនៈ បានប្រាប់គេយ៉ាងដូចម្ដេច?
៤.តើមានបញ្ហាអ្វីកើតឡើង
នៅពេលហនុមានព្យាយាមរកថ្នាំទិព្វ? តើគេធ្វើដូចម្ដេច?
៥.តើរាវណៈបានបញ្ជូននរណាទៅជំរំរបស់ព្រះរាមៈ?
តើនរណាស្គាល់ពួកគេ?
៦.តើព្រះលក្ស្មណៈបង្ក្រាបឥន្ទ្រជិតដោយវិធីណា?
៧.តើរាវណៈស្លាប់ដោយរបៀបណា?
សូមមើលវីដេអូបន្ថែម
សូមមើលវីដេអូបន្ថែម
No comments:
Post a Comment