ក្រោយពីហនុមានចាកចេញទៅ វិភិសាណៈ
ប្អូនប្រុសរបស់ រាវណៈ បាននិយាយថា «ព្រះអង្គ
សូមកុំនាំសេចក្ដីវិនាសដល់អាណាប្រជានុរាស្ត្រនោះឡើយ។
វាពិតជាមានបាបកម្មណាស់ដែលពង្រាត់ប្រពន្ធរបស់គេ។ ទាន់នៅមានឱកាស
សូមប្រគល់នាងទៅព្រះរាមៈវិញ ហើយអ្វីៗនឹងប្រែក្លាយជាប្រសើរជាងមុនជាក់ជាមិនខាន។»
រាវណៈផ្ទុះកំហឹងជាខ្លាំង។
«ម៉េចក៏ឯងហ៊ាននិយាយជាមួយយើងបែបនេះ!
យើងមិនយកនាងសិតាទៅឲ្យវាវិញទេ។ បើឯងខ្លាចសង្គ្រាម បាន! យើងបើកផ្លូវឲ្យឯងទៅ។
ឯងនឹងក្លាយជាជនកំសាកអស់មួយជីវិត។»
«ខ្ញុំមិនមែនជាជនកំសាកទេ
ប៉ុន្តែខ្ញុំមិនចូលរួមសាងអំពើបាបបែបនេះឡើយ។ ខ្ញុំនឹងចាកចេញពីក្រុងលង្កា។» វិភិសាណៈ
តបសម្ដី។
«ហើយឯងចុះចូលនឹងរាមៈ?» រាវណៈ
សួរបែបមើលងាយ។
«ត្រូវហើយ
ខ្ញុំនឹងរួមដៃជាមួយនឹងព្រះរាមៈ ប្រសិនបើទ្រង់ទទួលយកខ្ញុំ»
វិភិសាណៈ បានចាកចោលនគរ
និងធ្វើដំណើរទៅជំរំព្រះរាមៈ។ ពួកស្វាទាំងឡាយបានឃើញក៏ស្រែកឡើងថា «មើលចុះ!
នោះមកហើយសត្រូវរបស់យើង!»
លក្ស្មណៈចេញមកមើល។
ពួកគេបានឃើញសត្រូវមកជិតដល់ជំរំរបស់ពួកគេ។ តើគេជានរណា? ហេតុអ្វីបានជាគេមកទីនេះ?
វិភិសាណៈ បានមកជួបនឹងលក្ស្មណៈ
និងនិយាយថា «ខ្ញុំឈ្មោះថា វិភិសាណៈ ប្អូនប្រុសរបស់រាវណៈ
ខ្ញុំមកសុំរាជានុញ្ញាតពីព្រះរាមៈដើម្បីរួមដៃគ្នា។»
«ហេតុអ្វី?» លក្ស្មណៈសួរ។
«ខ្ញុំមិនអាចចូលរួមក្នុងសង្គ្រាមដ៏ស្មោកគ្រោកនេះបានទេ។
នោះហើយជាមូលហេតុដែលខ្ញុំចាកចេញពីបងប្រុស និងមកទីនេះ។ សូមនាំខ្ញុំទៅជួបព្រះរាមៈផង។»
ពេលគេបានជួបរាមៈ វិភិសាណៈ បានប្រណិប័តន៍ដល់បាទាទ្រង់
ហើយលក្ស្មណៈរៀបរាប់នូវរឿងរ៉ាវទាំងអស់។
«ព្រះរាមៈ! សូមរាជានុញ្ញាតឲ្យទូលបង្គំនៅទីនេះផង។
ទូលបង្គំនឹងនៅតាមបម្រើព្រះអង្គអស់មួយជីវិត។» វិភិសាណៈ និយាយ។
ព្រះរាមៈបានឱបវិភិសាណៈ និងមានបន្ទូលដោយញញឹមថា
«អ្នកមិនមែនជាអ្នកបម្រើទេ តែគឺជាមិត្តសម្លាញ់។»
ភ្លាមនោះ ហនុមាន
ក៏មកដល់ជាមួយនឹងដំណឹងល្អអំពីព្រះនាងសិតា។ ព្រះរាមៈ រីករាយក្រៃលែងដែលដឹងថាព្រះនាងសិតាមានសុវត្ថិភាព។
ទ្រង់ក៏រៀបចំធ្វើសង្គ្រាមតែម្ដង។
«តែយើងឆ្លងសមុទ្រដោយវិធីណា
បើវាធំម្លឹងៗនោះ?» ហ្វូងស្វាសួរ។
«បើអ៊ីចឹង ធ្វើស្ពានឆ្លងតែម្ដងទៅ។»
ព្រះរាមៈឆ្លើយ។
ស្វាក៏នាំគ្នីគ្នាប្រមូលថ្មធំៗ
ដាក់គរទៅក្នុងសមុទ្រយ៉ាងច្រើន។ ពួកគេប្រឹងប្រែងជាច្រើនសប្ដាហ៍ ហើយនៅទីបំផុត
ក្រោមការត្រួសត្រាយរបស់វិភិសាណៈ ពួកគេក៏ទទួលបានជោគជ័យក្នុងការសង់ស្ពានឆ្លងសមុទ្រ។
ពួកគេរីករាយ ពេលទទួលបានជោគជ័យ។
ពួករាក្សបានឮសំឡេងពីឆ្នេលង្កាមក
ក៏នាំគ្នារត់ទៅប្រាប់រាវណៈ។
«ព្រះរាមៈបានសង់ស្ពានឆ្លងសមុទ្រមកលង្ការួចរាល់ហើយ
ព្រះអង្គនឹងយាងមកទីនេះជាមួយនឹងកងទ័ពមកសម្លាប់ពួកយើងហើយ។»
«ត្រៀមប្រយុទ្ធ!» បញ្ជា រាវណៈ។
សំណួរ
១.តើ
វិភិសាណៈ ជានរណា? តើគេបានប្រាប់ រាវណៈ យ៉ាងដូចម្ដេច?
២.តើ
រាវណៈ ឆ្លើយតបយ៉ាងដូចម្ដេច?
៣.តើ
វិភិសាណៈ បានប្រាប់អ្វីខ្លះទៅព្រះរាមៈ និងលក្ស្មណៈ?
៤.នៅពេលដែលហ្វូងស្វាបានឃើញសមុទ្រ
តើពួកគេនិយាយដូចម្ដេច? តើព្រះរាមៈឆ្លើយតបដូចម្ដេច?
៥.តើពួកគេសាងសង់ស្ពានដោយវិធីណា?
សូមមើលវីដេអូបន្ថែម
សូមមើលវីដេអូបន្ថែម
No comments:
Post a Comment