របៀបសរសេរ​សំណេរតែងសេចក្ដីបែបពន្យល់

ប្រធានពន្យល់ជាប្រធានមួយ ដែលត្រូវពន្យល់បកស្រាយលើមតិរបស់ប្រធានបទ ធ្វើឲ្យគេយល់ដឹងពីខ្លឹមសារប្រធាន។

ក– លក្ខណៈសម្គាល់

ពាក្យចោទសួរ (តើ………………………. ?)

–          តើ…………………………………. ដូចម្តេច? (ដូចម្ដេចខ្លះ?)

–          តើ…………………………………. យ៉ាងណា? (យ៉ាងណាខ្លះ)

–          តើ…………………………………. បែបណា? (បែបណាខ្លះ?)

–          តើ…………………………………. អ្វីខ្លះ?

–          តើ…………………………………. ប៉ុន្មានយ៉ាង?

–          ដូចម្តេចដែលហៅថា…………. ?

–          តើ…………………………………. មានអត្ថន័យ និងខ្លឹមសារដូចម្ដេចខ្លះ?

បញ្ជាក់ៈ ក្នុងប្រធានបែបពន្យល់ គេមិនសួរដោយប្រើពាក្យថា “អ្នកយល់” “ប្អូនយល់” ទេ។

ពាក្យបង្គាប់បញ្ជា

–          ចូរពន្យល់។

–          ចូរអធិប្បាយ។

–          ចូរស្រាយបំភ្លឺ។

–          ចូរគូសបញ្ជាក់។

–          ចូរបង្ហាញ។

–          ចូរវិភាគ។

ខ​-​គម្រោងតែង

ក.សេចក្តីផ្ដើម

–          លំនាំបញ្ហា៖ រៀបរាប់នូវចំណុចទូទៅ​ដែលពាក់ព័ន្ធនឹង​មតិប្រធាន។

–          ចំណូលបញ្ហា៖ លើកយកមតិប្រធានមកវិញ។

–          ចំណោទបញ្ហា៖ ចោទជាសំណួរ

ខ.តួសេចក្តី

–          ឃ្លាភ្ជាប់សេចក្តី៖ មុននឹងឈានដល់ការបកស្រាយ គួរគប្បីយល់នូវ...

–          ពន្យល់ពាក្យគន្លឹះ ឬឃ្លា៖ ស្រង់ពាក្យ ឬឃ្លា របស់​មតិប្រធាន។

–          ពន្យល់ន័យប្រធាន (ន័យត្រង់ ន័យធៀប)

–          បកស្រាយមតិរបស់ប្រធានផ្សំនឹងឧទាហរ៍ក្នុងសង្គម ឬក្នុងអត្ថបទអក្សរសិល្ប៍

–          សរុប៖ សង្ខេបរាល់គំនិតសំខាន់​ឲ្យខ្លីខ្លឹមខ្លាំង។

គ.បញ្ចប់សេចក្តី

–          វាយតម្លៃប្រធាន៖ វាយតម្លៃទៅលើមតិប្រធានទាំងមូល។

–          ឲ្យមតិផ្ទាល់ខ្លួន៖ រៀបរាប់នូវទស្សនៈផ្ទាល់ខ្លួន​របស់អ្នកសរសេរ។

សម្រាប់ឧទាហរណ៍ អាច​មើល​លើ​គេហទំព័រ​នេះបន្ថែមដោយខ្លួន​ឯង។

សូមមើលវីដេអូបន្ថែម​

ឧទាហរណ៍គំរូទាំង២០ប្រធានបទ​ មានវីដេអូ  សូមចុចត្រង់នេះ