និពន្ធបទភ្លេងនិងទំនុកច្រៀងដោយ រស់ វាសនា
I. រាត្រីនេះចន្ទ្រាមូលក្រឡង់ សម្រស់ផូរផង់ចង់រួមនិស្ស័យ តែធ្វើម្ដេចបងជាទន្សាយព្រៃ ត្រឹម
គយគន់ថ្លៃពីផ្ទៃធរណី។
II. ឱ! ព្រះចន្ទ្រានារាត្រីនេះ ពិតល្អពិសេសប្រសើរឥតពីរ ខ្ញុំខំសម្លឹងស្ទើរក្ស័យជីវី ញញឹមទក់ទីទាំង
ទុក្ខពេញប្រាណ។
R. បើចន្ទនៅឆ្ងាយហួសផុតនិស្ស័យ ឲ្យទន្សាយព្រៃឈោងចាប់ម្ដេចបាន បើសិនជាចន្ទព្រមបន្ទាប
ប្រាណ នោះទន្សាយបានក្សាន្ដសុខចិន្ដា។
III. ឱ! ចន្ទ្រាអើយមេត្តាខ្ញុំផង ឲ្យផុងសៅហ្មងក្នុងគ្រាទុក្ខា សូមអ្នកជួយផងសង្គ្រោះសង្ខារ ក្រែង
គ្រាន់ចិន្ដាផុតភពងងឹត។
No comments:
Post a Comment