វិញ្ញាណ
សម្បកខាងក្រៅខ្មៅលឿងស
ចាស់ក្មេងសាច់ល្អក៏មិនផេះ
ទាបខ្ពស់សង្ហារស្អាតដល់ម្ល៉េះ
ឥតមានចំណេះឥតព្រលឹង។
ប្រាណប្រែគង់ចាស់ផ្លាស់សព្វសាច់
រឿងសម្រស់ដាច់គង់មិននឹង
អាយុលយលឿនល្បឿនមិនធ្មឹង
គង់ដេកស្ងៀមឈឹងសូន្យសង្ខារ។
អ្វីៗរលាយតាមធម្មជាតិ
រឿងជួបរឿងឃ្លាតជាធម្មតា
រស់នៅខ្វះធម៌ទ្រជីវា
ឲ្យប្រាណនេះណាខ្វះលំនឹង។
ប្រាណព្រាត់វិញ្ញាណឃ្លានសាងកម្ម
អសោចកេរ្តិ៍ផ្ដាំលាតសន្ធឹង
អ្នកក្រោយតំណាលចាំដំណឹង
តំណរំពឹងនឹងមិនភ្លេច។
សូមឲ្យវិញ្ញាណសណ្ឋិតប្រាណ
រក្សាឲ្យបានជាប់ជានិច្ច
សាងធម៌ទសពិធរឹតរំលេច
ចែងចាំងដូចពេជ្រលេចពណ្ណរាយ។
No comments:
Post a Comment