កំណើតកវី

និពន្ធទំនុកច្រៀងដោយ រស់ វាសនា

I. ភូមិបួនដងទង់ជំរំកវី ដែនស្មាច់មានជ័យកំណើតរូបខ្ញុំ សមុទ្រធំធេង

ខ្លែ​ង​ចាកទ្រនំ សុរិយាគងភ្នំក្រាលព្រហ្មសុវណ្ណ។

II. នឹកឃើញកោងកាងច្រូងច្រាងពេញដី លាសំឡេងរៃរាត្រីព្រាត់ចន្ទ 

រូបអ្នកនេះហើយតួឯកសំខាន់ ដែលខ្ញុំរួសរាន់ព្រួយថែរក្សា។

R. រលករលេញប្រដេញបំពេ ក្រោមថ្ងៃទន់ទេទាបលើជលសា ឥលូវ

ខ្ញុំឃ្លាតផុតពីហត្ថា សល់ទឹកនេត្រាក្លាយជាសាគរ។

II. សមុទ្រជោនាចមិនភ្លេចជាតិប្រៃ រៀមស៊ូលុះក្ស័យថែចិត្តស្មោះស 

មិនប្រែក្រឡាស់កោះកុងបវរ ដែនដីដ៏ល្អជីវិតខ្ញុំអើយ។

ភ្នំពេញ ថ្ងៃទី១១ ខែមិថុនា ឆ្នាំ២០១២