នៅក្នុងភាគទី៦ យាយនួនបានឲ្យយាយផៃ
និងនាងវិធាវីរៀបចំផ្ទះយ៉ាងស្អាត
ដើម្បីត្រៀមទទួល
ភ្ញៀវដែលចូលមកស្ដីដណ្ដឹងនាងវិធាវី ដែលមានយាយចាន់ជាមេអណ្ដើក
នោះគឺនាងថូ ជាម្ដាយរបស់ណៃស៊ត និងជាប្រពន្ធរបស់ណៃស៊ានផងដែលជាថៅកែកាណូតដ៏ស្ដុកស្ដម្ភនៅបាត់ដំបងចំណែកនាងធិន
ជាប្អូនស្រីរបស់នាងថូ។ យាយនួនរីករាយណាស់ចំពោះភ្ញៀវនេះ
ហើយគាត់ក៏ចង់ភ្ជាប់សាច់ភ្ជាប់ឈាមកូនរបស់គាត់នឹងចៅណៃស៊តនេះណាស់ ចំណែកឯនាងថូ
និងនាងធិន ក៏វិលត្រលប់ទៅវិញយ៉ាងរីករាយ រួចយាយនួនបានផ្ដាំពួកគេឲ្យទៅមើលជតារាសីនឹងលោកគ្រូអានដែលគង់នៅវត្តពោធិ៍ក្នុង
ព្រោះក្នុងចិត្តគាត់ខ្លាចបើរកគ្រូផ្សេង អាចនឹងទាយខុសគ្នា។
ថ្លែងពីនាងវិធាវីនេះវិញ ពុំទាន់ដឹងខ្លួនថាគេមកដណ្ដឹងឡើយ
តែនាងហាក់ដូចជាពុំពេញចិត្តនឹងចរិតរបស់ស្ដ្រីទាំងនោះឡើយ
រីឯយាយនួនកំពុងតែងប់ងុលនឹងសេចក្ដីត្រេកអរពន់ប្រមាណ
ពុំបានចាប់អារម្មណ៍នឹងសម្ដីកូនគាត់នោះក៏ទេដែរ។
សូមមើលវីដេបន្ថែម
សូមទាញយកឯកសារ ត្រង់នេះ
No comments:
Post a Comment